Архангай аймгийн гадаргын усны чанарын 2023 оны 03 дугаар сарын тойм

1.Гадаргын усны чанар

Архангай аймгийн Байгаль орчны шинжилгээний лаборатори нь гадаргын усны хяналт-шинжилгээний хөтөлбөрийн дагуу 03 дугаар  сард Урд тамир - дээд, Урд тамир – доод, Өгийнуур, Хойд тамир цэгүүдээс усны сорьц авч химийн найрлага, чанарын үзүүлэлтүүдийг тодорхойлно.

2023 оны 03-р сард хийсэн Архангай аймгийн гадаргын усны шинжилгээний дүнг усны чанарын гол үзүүлэлтүүдээр MNS 4586-98 усны чанарын стандартай харьцуулан /Хүснэгт-1/-д үзүүллээ.  

Хүснэгт-1

Тайлбар: БХХ₅-биохимийн хэрэгцээт хүчилтөрөгч, ПИЧ-Перманганатын исэлдэх чанар, илр-илрээгүй, MNS4586-98 усны чанарын стандарт дахь хүлцэх агууламжаас давсан үзүүлэлтүүдийг тодрүүлав.

Өгийнуур. Нуурын усны хяналт-шинжилгээний цэгээс усны сорьц авч химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд нуурын усны цахилгаан дамжуулах чадвар 161.8, эрдэсжилт  146.4 мг/л, хатуулаг 0.40 мг-экв/л, төмөр 0.38 мг/л, сульфат 1.8 мг/л, хлор 5.7 мг/л, гидрокарбонат 90.9 мг/л, натри кали 22.0 мг/л, Перманганатын исэлдэх чанар нь стандартаас 1.2 дахин давсан байна.

Хойд тамир-Их тамир  Голын усны хяналт-шинжилгээний цэгээс усны сорьц авч химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны цахилгаан дамжуулах чадвар 171.6, эрдэсжилт  134.2 мг/л, хатуулаг 0.81 мг-экв/л, төмөр 0.07 мг/л, сульфат 1.8 мг/л, хлор 5.7 мг/л, гидрокарбонат 90.9 мг/л, натри кали 22.0 мг/л байна.

Урдтамир- Цэцэрлэг дээд, Цэцэрлэг доод  Xяналт-шинжилгээний цэгээс тус бүр 1 удаа сорьц авч, усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд, голын усны эрдэсжилт бага 90.9-98.5 мг/л, орчин рН=7.65-7.71,  усны хатуулаг 0.46-0.47 мг-экв/л буюу маш зөөлөн устай, эрдэс азотын бохирдолгүй  байлаа.

2.Хаягдал бохир усны хяналт-шинжилгээ

Архангай аймгийн Эрдэнэбулган сумын “Ундарга” цэвэрлэх байгууламжийн хаягдал бохир усны орох, гарах 2 цэгээс хаягдал усны сорьц авч химийн найрлага болон чанарын үзүүлэлтийг тодорхойллоо

Шинжилгээний дүнг /MNS4943:2015/ “Хаягдал ус”-ны стандартад харьцуулан /Хүснэгт-2/-д үзүүллээ.

Хүснэгт-2

Шинжилгээний дүнгээс үзэхэд: /MNS4943:2015/ “Хаягдал ус”-ны стандарт дахь зөвшөөрөгдөх дээд хэмжээнээс нийт азот агууламж 1.65 дахин, жинлэгдэх бодисын агууламж стандарт хэмжээндээ байна.

АРХАНГАЙ АЙМАГ УС, ЦАГ УУР, ОРЧНЫ ШИНЖИЛГЭЭНИЙ ТӨВИЙН БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ